我有三個小朋友，最大既今年7歲，計埋老婆陀住個十個月，總共做左8年港爸。做港爸，開心既時候可以好開心。不過，香港做爸爸一啲都唔易。用血淚史嚟形容，都好適合。
我諗好多港爸同我一樣，好想多啲時間陪伴下小朋友同埋屋企人，但係工作往往佔咗唔少嘅時間，剩返落嚟嘅陪伴可能少之又少。心入面唔多唔少都會有一啲內疚，又覺得無可奈何。老實講，呢啲無可奈何根本就係壓力，如果再加上突如其來嘅爭執，壓力隨時都會爆煲。
喺我大女出世嘅之後幾年，我機緣巧合之下接觸左香港有品運動，唔覺意成為咗佢哋嘅品格講師，佢哋推行嘅6A教育我覺得係呢個世界上面，暫時黎講係最有效嘅一套管教方法。當然呢一套管教嘅概念係俾所有人睇嘅，但係我覺得爸爸特別去聽呢啲管教嘅方法，可能有唔同嘅衝擊出嚟喎。所以嘗試喺呢度以爸爸嘅角度去講下做港爸嘅辛酸，大家圍爐取暖一番。
#Vinic爸爸育兒手記
#港爸6A教育
#港爸講爸
#港爸圍爐
#香港有品運動
Vinic 爸爸 育兒手記 