港爸 講爸 — 你從自己爸爸身上學懂什麼?

試吓勾起一啲回憶,究竟你由爸爸身上繼承左乜嘢呢?

我講嘅係性格,回憶,經驗。當我地細個同爸爸相處嘅時候,好多零碎嘅片段會造就今日嘅我哋。有冇發覺今日做人爹哋,好多時都參照咗自己老竇點樣教養自己。又或者專登唔跟自己老竇嗰套去養育我哋自己嘅孩子。

而我,從我爸爸身上繼承左——「責任」。

我爹哋係一個好顧家嘅男人,每日嘅生活就係工作返屋企食飯睇功課瞓覺。當然我爸爸都有缺點嘅,但係當回想我嘅爸爸,第一樣我要學習嘅地方就係對屋企負責任。

要做一個負責任嘅男人,首先就係要承諾愛屋企人。呢一點由爸爸同我地日常生活可以領略到。加上佢對屋企嘅付出,絕對係我心目中嘅男神。就因為呢點,潛移默化影響左我做爸爸嘅信念。

每當自己係做爸爸嘅道路上面失去信心嘅時候,我都會諗一諗如果係我爸爸面對相同嘅境況,佢會點樣解決呢?由佢身上繼承嘅責任,令我懂得點樣去愛我嘅家人。

今時今日我哋嘅孩子繼承我哋乜嘢呢?當佢哋日後要行自己嘅道路時,我哋又會提供左乜嘢嘅畫面幫佢哋去解決眼前嘅問題呢、做人老竇,唔單止照顧一個孩子咁簡單,而更加需要將佢哋嘅心靈填得豐滿。孩子有我哋嘅身上繼承越多品格,對佢哋將來嘅保障就越多。由今日起各位爸爸努力將孩子嘅心填滿吧。

#Vinic爸爸育兒手記

#港爸6A教育

#港爸講爸

#港爸圍爐

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s