港爸講爸 – 非常時期，爸爸可以做什麼？

全城一片緊張氣氛，個個搶口罩，消毒用品。有無爸爸都緊張埋一份？

緊張是人之常情，但爸爸一直都係家庭既精神支柱，我地既情緒原來直接影響到孩子，特別係小孩子既安全感。所以我哋就算緊張，都要從容啲，俾小朋友適當既安全感。

而爸爸可以做既有好多，最先做當然係保持身心健康。好動既爸爸帶動一家人多做運動係唔錯既選擇。

爸爸們又要記住保持個人衛生，以身作則，用身教令孩子跟隨。

爸爸又可以發揮探索既精神，對防疫知識多加研究，同小朋友一齊增加知識，同時增加感情。

其實爸爸有好多野做，最重要就係陪伴家人。多左時間相處，珍惜一下。祝福大家抗疫成功，身體健康，打嬴呢場仗。

香港加油。

#港爸講爸

#港爸圍爐