香港非常時期全面展開，香港很多父母都會轉為Home Office 。要把工作都帶回家，有無爸爸一邊工作時，一邊俾孩子煩住晒，周不時借頭借路搵你，問下你做緊乜，或者叫你陪佢玩下？
雖然好煩，但呢啲都係孩子對你既需求，而且一啲都唔過份㗎。
孩子停課係屋企，當然好悶，而且有好多不安。但係佢哋同父母一齊，心裡面都放心既，其中一個表現，係佢哋會叫你哋陪佢玩。平時日間唔見爸爸，依家廿四小時見到面，當然想你陪佢啦。
爸爸們，我地要珍惜佢嘅哋每次既邀請，孩子愈大，想同你玩既機會買少見少。不如分一啲時間出黎，陪佢去哋玩下，講下故仔，睇下Netflix啦。反正工作做唔晒，Home Office又無人睇住你。
如果真係好忙，可以同孩子協議過一陣先陪佢。但係要守信用，講左幾點就幾點喇。
無人希望一直Home office 落去，但係既然要留係屋企，就要令呢件事變得更有價值，
不妨利用呢段非常時期，更深入了解身邊既孩子，令呢段時間變得更有意義。
#港爸講爸
#港爸圍爐
Vinic 爸爸 育兒手記 