有咩只有爸爸可以做，媽媽做不來 ？（除了入男廁次外，呢個答案太低層次）1.。。。2.。。。3.。。。開估，爸爸可以做女兒既第一個情人，也是男孩子第一個偶像，這是理所當然的，只在乎你做與不做。
你是女兒最初又是最親密的異性，有好多關於將來搵男友，搵老公既價值觀都係由呢個時候建立，你想囡囡搵個點樣既男友，由呢個時候佢點睇你係好重要㗎。當然，你在唔在乎係一個問題，但係要承擔得起啊。
如果係囝囝，你就會係佢既偶像，甚至係HERO。唔係誇張，我隨時隨地問我個囝囝，我都會得到同一個答案，我係一位英雄。不要去羨慕，不要去妒忌，你都可以，只在乎你做定唔做。你做，佢就可以係你身上學識點樣做一個男人。
孩子每一日都成長緊，你用咩心態去面對佢哋好重要。而更重要既，係佢哋係成長之中充滿咗不安既感覺。所以爸爸們，你既心態決定佢地既命運，唔好做會後悔既事啊。
#港爸講爸
#港爸圍爐
Vinic 爸爸 育兒手記 