相信普遍做得爸爸，一定程度上，都負左啲責任。（無論係主動為負生命負責任，還是被迫負責任）
但係，做爸爸，只係一種責任嗎？
為左養活一個小生命，爸爸都努力搵錢，期望可以俾屋企人更好生活。但呢種想法，久而久之可能令爸爸都忘記左初衷，忙碌嘅生活令爸爸都忘記左要如何做一個好爸爸，更加忘記了當爸爸的責任。
可能爸爸習慣咗用忙碌都當藉口，以為做左嘢就心安理得，但當爸爸，絕對唔止負責任咁簡單。但小生命降臨，除了責任，更加係一個機會。一個令自己成為更完美既機會，一個同老婆更進一步既機會，一個令孩子延續我哋生命嘅機會。一切都在於爸爸用咩心態。
係責任，定係成就小生命嘅機會，都在乎爸爸自己嘅睇法。明白做爸爸有幾幸福，有幾幸運才可遇到係眼前嘅小生命，就會俾到動力令自己去發掘更多當爸爸以後才可得到的機會。爸爸們加油，共勉之。
Being a father is not only responsibility, it’s an opportunity. By Joel Leon
#Vinic爸爸育兒手記
#港爸講爸
#港爸圍爐
Vinic 爸爸 育兒手記 