港爸講爸 – 時代選中你,當今如何當爸爸?

面對社會上發生既事,可能我們都無能為力,無力又無奈。可是,我們萬萬不要忽略我哋身邊有對眼晴正在學習如何面對無奈,應如何面對困境。

孩子不會告訴你,我什麼時候觀察了你,係你身上學咗啲咩。爸爸有能力成為孩子既HERO,因為爸爸對孩子影響力係非常大。對男仔,爸爸係個Role model, 會學習點做一個男人。對囡囡,爸爸係佢面對嘅第一個異性,對佢哋將來㨂老公影響好大。所以,我哋點做,佢哋在看。

既然我哋影響力咁大,我哋真係要好小心面對每個唔同嘅境況。係無助,無力感好重既時候,我哋可以點做呢?會唔會向佢哋解釋吓你自己既睇法?你既價值觀又如何呢?唔好睇少呢啲溝通嘅機會,你唔會知佢學左你既野,幾時會用返出嚟。所以,把握每個機會,向孩子傾多啲,令佢哋知多啲。

但當自己未處理好自己嘅睇法,又應該點好呢?無理由未整理好就同佢哋溝通喎。。。。。。其實,俾佢哋知道,有些事,需要時間去消化,整理,也是人生必修課。不妨都俾佢哋知道,你處理壓力,無奈事嘅心路歷程未嘗唔係一件好事。

爸爸可以是孩子的英雄,但一定不是無所不能的萬能俠。遇上無能為力的事,教他們如何面對比起教他們解決事情來得更好。有些事的確不會馬上有方法解決,但你如何面對,孩子跟你學習,就可以令他們行上當行的路。爸爸們加油,共勉之。

#港爸講爸

#Vinic爸爸育兒手記

Ig: vinicpapa

https://vinicpapa.com

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s